細細個陣, 我係一個好鍾意周街玩嘅小朋友
仲要係瘦到得棚骨，冇肉嘅細狗
會爬繩網爬到最高，調轉來玩滑梯個啲
到中學個陣都有打羽毛球, 溜冰
 

直到出來做嘢之後

開始過住有可能要連續三四日，每日都返14個鐘嘅生活
再慢慢變成長期坐喺度嘅生活，養成4個月嘅身紀
當時除咗膊頭超緊，成日會腰痛之外，都好似冇乜嘢
​(其實咁樣已經係幾有嘢)
 

到有一年發生交通意外之後，先confirm有頸椎過直嘅問題

輾轉休息咗半年，中間keep住做物理治療，針灸，伸展都解決唔到
舉高手再放低手，個膊頭又會卡卡聲
呢個時候先開始覺得自己身體問題好似變得有啲嚴重

機緣巧合下，2023年開始由管理人員正式轉職為健身及伸展教練,

​坦白講當時考牌要做引體上升同掌上壓都好吃力

所以先體會到年紀愈大，體能愈來愈差嘅感覺
 

當時想用學到嘅知識去幫助自己
先發現人體同運動科學並唔係Youtube片講得咁簡單
即係好似你發燒，唔一定因為感冒，可以係好多原因
 

而當中最大嘅問題就係
上咗年紀嘅人嘅身體，要解決體態問題係要花更多時間
佢唔似你年輕嘅時候，新陳代謝咁好
同時你亦用咗好多年去"build up"佢
 

當然，最緊後我都搵到辦法同手法去改變
所以我都好希望可以幫到我手頭上嘅學生

等佢地都知道，我嘅身體仲係屬於我自己
 

​​

​

​

​持有資歷：

高級私人體適能教練 - AASFP
伸展教練 - AASFP
專業訓練處方: 長者體適能訓練 - AASFP
Myofasical Therapy Lv 1 - Motion Rehab
Myofascial Decompression - FAA
Hyper Blade Myofasical Release - FAA

基礎殘疾運動教練 - 中國香港殘疾人奧委會

​